Thursday 16th of July 2020 Sahafi.jo | Ammanxchange.com

المواضيع الأكثر قراءة

 
  • آخر تحديث
    01-May-2020

ولا بيستفزني إشي قد جملة "الحكومة تراهن على وعي الشعب"... بقلم الدكتور يوسف الصمادي
مواقع -
ولا بيستفزني إشي قد جملة "الحكومة تراهن على وعي الشعب"
واحنا مصدقين السولافة!!
 
أي وعي هذا؟؟ من متى شعبنا واعي؟!!
 
يا جماعة كلمة "وعي الشعب" كلمة مضحكة جدا... 
 انتو جد مصدقين السولافة؟؟
 
شعبنا ممكن يكون مثقف ماشي... متعلم ... مااااشي 
 
بس واعي ؟؟ لأ !!
 
يا رجل الشعب اللي بروح رحلة وبترك وراه مزبلة هاظ شعب واعي؟؟
 
اللي سايق على يسار الشارع بخط سريع وماشي على مهله... واذا بتزمرله او بتضويله بصير يجاكر فيك مجاكرة ويخفف سرعته هاظ واعي؟؟
 
اللي بيجي عالمستشفى يزور مريض الساعة ١ بالليل هاظ واعي؟؟
 
اللي بيرمي زبالته من شباك السيارة واعي؟؟
 
اللي بشوف طابور وبروح بيحشر حاله اول واحد قدام الناس وبيستهبل الناس واعي؟؟
 
اللي اذا رمت ٢٠٠ غم ثلج بروح بيشتري شوال خبز تقول فايت على حرب وحصار واعي؟؟
 
اللي بصف سيارته وبسكر عليك وبغيب ساعتين لا بحط رقم تلفون ولا مهتم هاظ واعي؟؟
 
اللي بيشتغل بمحطة بنزين وبعبيلك بنزين والسيجارة بإيده واعي؟؟
 
اللي بيسكر الشارع بفاردة عرس او حفلة تخريج و ما بخليك تتجاوز عنه واعي؟؟
 
اللي بيقطع الشارع من تحت جسر المشاة واعي؟؟
 
اللي بروح عالمسجد يصلي الجمعة...  وبصف سيارته بنص الشارع وبسكر الطريق واعي؟؟
 
القائمة تطول... المهم ما في ذرة وعي عنا...
 
الالتزام الجزئي من الشعب اللي صار ببداية الأزمة كان خوف مش وعي... خوووووف بس...
 
لا حدا يقلي شعبنا واعي وبنراهن على وعي الشعب!!
 
# 21 حالة... # وعي الشعب...
 
التعليقات - أضف تعليق

لا يوجد تعليقات