-مات ..الله يرحمه كيف مات..اكيد جلطة لأنه كان مريض بالقلب؟؟

-لا ...ما مات بالقلب؟

-كيف مات لعاد؟ 

-الله يرحمة ضعف بصره اخر فترة ، طلع ع ظهر الحيط وما شاف (الحفّة) ووقع من ثالث طابق.

-ول ول ...ع كل حال الله يرحمه.

-بس ما مات من الوقعة..عملناله  80 عملة جراحية وطاب ..بس صار يمشي ع عكازة.

 -والا كيف مات؟

-قطع الشارع على مهله وهو حامل العكازة ..ضربته سيارة.

-ول ..موته شنيعة ..الله يرحمه.

-بس ما مات من الحادث.. صار معه نزيف حاد بس نقلوه ع المستشفى وحطوله 110 وحدات دم ...وطاب.

-يا رجل ..قوللي كيف مات!!

-صار معه فشل كلوي ..ما لقينا متبرع .. فتسمم دمه..

-الله يرحمه ..ارتاح!!

-لا..ما مات..بآخر لحظة اجا واحد وتبرعله  بكلية ولحقناه.-

كيف مات بعديها.؟

-قاعد بالبيت لحاله ..احترقت الشقة وما قدر يطفيها وانفجر الغاز.

-يا حرام ....الله يرحمه.

 -لا ما مات لأنه جارنا فسخ الباب وأنقذه.

-والا كيف مات بعديها.؟

-ما مات .. عشان هيك إضطرينا إنطخه طخ!!